Dixardín presente no Festival de Cultura Urbana “Compostela Street 2025”
“Faite parte: vibe verde”, con este claim Dixardín está presente no Compostela Street 2025, un Festival de Cultura Urbana que se celebra o 19, 20 e 21 de setembro en Santiago de Compostela e no que participa para que o verde estea aínda máis presente.
O Compostela Street é unha iniciativa comprometida coa sostibilidade ambiental, o coidado da natureza e que reivindica a protección e posta en valor de espazos verdes de convivencia e lecer, polo que desde Dixardín apoiamos este tipo de eventos para que a ornamentación vexetal teña máis protagonismo e poidamos contribuír ao que reza o noso lema: deseñamos natureza.
En Dixardín defendemos que o verde combina con todo, polo que ben sexa a través do deseño, mantemento ou xestión de espazos verdes facemos especial fincapé na educación ambiental e na colaboración con empresas e Administracións públicas para que o coidado do planeta e a aposta pola biodiversidade sexan unha realidade na que todas as persoas participamos activamente.
Todas as persoas podemos aportar mediante o noso compromiso ambiental e as nosas accións diarias, nós xa o facemos e animamos a que ti tamén o fagas: faite parte!
