Plantas “anti” moscas e mosquitos
Cansa/o de espantar moscas no verán?, farta/o de escorrentar mosquitos cada noite? Aquí tes dúas ideas para plantar, decorar a túa casa e á vez librarte deses molestos insectos.
Albáfega
Coñecida como albáfega ou alhábega, ocimum basilicum é unha herba aromática anual da familia das lamiáceas nativa de Irán, India e outras rexións tropicais de Asia.
A albáfega fai fuxir ás moscas. Se sofres o seu inesgotable acoso durante todo o ano e especialmente no verán, aquí tes a solución. Tan só necesitas plantar albáfega nunha maceta e colocala preto das xanelas. Gañarás en saúde e en apetito, porque con esta planta ademais de espantar as moscas, a túa casa gaña en beleza e os pratos da túa cociña saben moito máis ricos. Todo son vantaxes!
Consellos para o seu mantemento
- É moi fácil de cultivar. Pódese facer por sementes ou por pugas. Recoméndase plantar albáfega a finais de inverno ou principios de primavera.
- A albáfega é unha planta cunha moderada necesidade hídrica, necesita auga pero sen pasarse.
- Necesita luz, como todas as plantas, pero esta pode ser directa ou medio sombra.
- É de climas cálidos, atención ás xeadas que quedades sen ela!
- É recomendable podala de cando en vez para que vaia adquirindo máis forza e creza máis.
Citronela
Citronela é un xénero de 30 especies de plantas que pertence á familia Cardiopteridaceae. Pode ter forma de árbore e de arbusto.
Nada de insecticidas. Aquí tes unha solución sinxela, barata e ecolóxica cando sofres ese molesto zumbido dos mosquitos no verán: Critronella!. Se a coidas dúrache toda a vida.
Outra das súas vantaxes é a súa característica fragrancia. Así ademais de escorrentar os mosquitos che perfuma a casa. De feito, a citronela utilízase en moitos perfumes comerciais, colonias, ambientadores, etc.
Consellos para o seu mantemento
- A época ideal para o seu cultivo é primavera.
- É unha planta sensible ás xeadas, igual que a albáfega. Coidado!
- Precisa de luz solar directa.
- É unha planta moi resistente, apenas necesita coidados.
- En futuras publicacións iremos descubrindo outras plantas e os seus beneficios. Prestade atención!
