Compromiso verde de Dixardín no Compostela Street 2025
En Dixardín concienciamos no coidado do medio ambiente e da natureza e por iso, estivemos nun dos festivais de cultura urbana e deportes extremos máis coñecidos a nivel estatal: Compostela Street 2025.
Ao igual que o festival, temos un compromiso coa sostibilidade ambiental, co coidado da natureza e coa posta en valor de espazos verdes. Por iso, baixo o lema “Faite parte: vibe verde” , participamos adornando as diferentes pistas de competición ás que non lles faltaron ornamentacións vexetais situadas á beira das pistas.
Foi un fin de semana intenso, no que acompañamos a todas as persoas que se achegaron a este encontro deportivo, de lecer e social. Tamén serviu para fomentar a conciencia e o compromiso con valores compartidos como deportividade, compañeirismo, coidado do medio ambiente, contacto coa natureza, inclusión e causas comúns.
Esta colaboración foi financiada polo Fondo Social Europeo, a través dunha convocatoria da Confederación Empresarial Española de Economía Social (CEPES).
