Dixardín redactará o proxecto de restauración do Monte Viso en Santiago
O Concello de Santiago acaba de adxudicar a Dixardín o contrato para redactar o proxecto de restauración do Monte Viso, un espazo natural situado na contorna periurbana da cidade, dentro do programa municipal “Entre Sar e Sarela”. O importe do contrato ascende a 102.850 euros (IVE incluído).
Para o equipo de Dixardín, esta adxudicación representa unha oportunidade ilusionante para seguir contribuíndo á recuperación e posta en valor dos espazos verdes que rodean Compostela.
Tal e como explicou a alcaldesa en rolda de prensa, trátase dun proxecto que “pretende conservar e rehabilitar os hábitats de interese comunitario, restaurando zonas de antigas plantacións forestais, favorecendo a aparición de novas especies e compatibilizando o uso co desfrute da cidadanía”.
Desde Dixardín traballaremos na elaboración dunha proposta técnica que aposte por:
- A conservación da biodiversidade,
- A recuperación progresiva dos valores naturais do monte,
- E a integración do uso público con criterios de sustentabilidade.
Este novo contrato chega nun momento no que tamén se está a impulsar dende o Concello unha nova campaña de compostaxe de biorresiduos, que reforza o compromiso de Santiago cun modelo de cidade máis verde, circular e consciente.
Un paso máis na nosa conexión coa natureza
Estamos felices de formar parte dun proxecto que mira ao futuro da cidade desde o respecto polo seu entorno natural. Seguiremos compartindo novidades sobre esta intervención nas nosas canles.
Este impulso permítenos consolidar a nosa actividade, mellorar procesos e avanzar na construción dun proxecto comprometido co ben común.
